Yangon Lai Christian Felliwship Bawmh halnak!

YLCF BAWMH HALNAK; YANGON KHRIHFA THLACAMNAK TLANG BIAKTHENG SAKNAK CAAH BAWMH HALNAK
========
Yangon chung khua asa mi Khrihfa hi kan tamtuk cang. Cu hlan ah Thlacamnak (Maicam) a rak um nain atucu a um ti lo. Thlacamnak Tlang Biaktheng kan ngei ti lo. Thlacamnak tlang Biaktheng sak dingin YLCF (Yangon Lai Christian Felliwship) nih an kan hraui i, Yangon peng HMAWBI chungah Tlangram Vawlei Acre 6 cu Ting 1400 in kan cawk. Cun dum hngak tu umnak ding inn, Tikhur le Ekk inn zong Ting 400 hrawng dih in kan sak cang.

Cun pumpak thlacamnak inn bing tete (20) zong kan sak cuahmah lio asi. Inn bing tete 20 saknak caah Ting 300 hrawng bawmhnak kan hmuh cang.(An sak cuahmah lio asi). Cun Nu riahnak, Pa riahnak le Ipumhnak inn pi zong sak a herh rih. Fur tlak hlan ah inn sak i lim i, hman khawh colh kan duh ngai ngai. Pa riahnak inn saknak caah Dr. Sui Hingz te chungkhar nih ting 280 an pek chanh. A dang Hall saknak le Nu riahnak saknak caah Tangka tampi kan herh rih.

Mah thlacamnak Tlang le Biaktheng hi kanmah Laimi ca lawngah asi lo. Miphun dang Khrihfa dihlak nih kan hman awk ah sakmi asi. Kan ram le kan miphun damnak ding caah sakmi asi. Mizaw mi nih an dam lai i, thlarau tlau khamhnak Biaktheng asi lai. A thatnak tampi chim a hau lo, nan theih dih ko.

Cucaahcun ramchung ramleng um Laimi nih Ro Thil bantukin ruat in Tangka chawva in nan kan bawmh ve naklai upatnak le Jesuh khrih min in kan in sawm hna. Caan chiat lio ah VAWLEI tha cungah THLAICI rak tuh ve dingin kan in sawm hna. Pehtlaihnak; Amos Thang Chin.09269291533; Pi Rachel.09772905120; Peter Ngun Za Cung.09965409980; Herbert Tum Ceu.09779651360

Vawlei Ah Uahpi Awktlak Zeihmanh A Um Lo; Sui ngun, chawva rel cawk lo na ngeih ruangah i uah tuk in va um hlah, mitṭhep kar ah a ciam khomi chawva an si. Mifim le cathiam ka si tiin na sining ah i uah tuk in va um hlah, na fimthiamnak hna cu zawtnak ṭhalo sivai nih an tlunh ahcun nikhat ah a lo colh khomi a si.

Muidawh pumrua ṭha na sinak nih midang cungah lungpuamnak lungput chuahter hlah seh, na dawhnak hna cu chikhat te ah a ziam colh khomi a si. Mirum na si ruangah midang cungah namnehnak bia va chim hlah, cun mikip cungah nawlngeihnak ngeih dih i tim fawn hlah, vawlei thluachuah na hmuhnak hrampi kha ruat ṭhan law tangdor tein nun thiam tu i zuam.

Minung sining hi zaan khat ah khupthal aa let khomi a si caah na fim thiamnak le na rumnak i bochan in midang cungah sang tuk in dir i tim hlah. Vawlei cungah i uahpi ding le i phorhlawt ding tlak thil pakhat hmanh a um lo, zeizong vialte hi nikhat ah a lo tlau khomi pakpalawng te an si dih ko. By.Anna Par (Journalist of The Chin Post)

Be the first to comment

Leave a Reply

Your email address will not be published.


*