Yinmapin Peng Chung Letpantaw Khuami (11) Cu SAC Ralhrang nih Mei In an khangh hna.

Yinmapin Peng Chung Letpantaw Khuami (11) Cu SAC Ralhrang nih Mei In an khangh hna.

Sagaing ramthen Yinmabin peng chung Letpantaw khuami ralzaam mipi (11) cu SAC ralhrang nih mei in an khangh hna tiah khuami nih an chim.

March 8, sml 11:00 am hrawng ah SAC ralkap 180 tluk nih Letpantaw khua chung cu hriamngan in an kah hnuah khua chung luhhnawhnak an duah tiah khuami pakhat nih a chim.

Hriamngan puahnak in a thimi zong an um bantukin tlaihmi cheukhat zong an thah hna, cheukhat cu atu tiang an tlau tiah khuami pakhat nih Than Lwin Khet ah a chim.

SAC ralhrang ralkap rual cu March 9 zinglei ah Letpantaw khua in an chuah hnuah meikhangh nakin a thimi ruak hna cu khuami nih an hmuh hi a si.

Khuami minung (10) cu inn pakhat chungah kharkhum in meikhangh an ton pinah khuami inn (2) zong mei nih a khang rih .

A dang nunnak a liamtu tarnu ruak pakhat tu cu phungkii sianginn kulh chungah an kaltak tiah theih a si.

Hriamngan puahnak in hliam a tuartu minung (12) chungin pakhat lawng hmuh a si rih i, a dang minung (11) hna cu an konglam zong theih a si rih lo pinah khuami mipa (3) hna zong an konglam zeihmanh theih a si lo tiah khuami pakhat nih a chim.

Credit: The Lairam Times

Be the first to comment

Leave a Reply

Your email address will not be published.


*