Zei Ruang Ah Dah Ka Si A Fah?

Zeiruangahdah Ka Si A Fah?
————————————
Kawl biaknak pathian, Buddha sinah sifak ngaimi pa nih bia pakhat a rak halmi cu,“pathian, zeiruangahdah ka si a fak?” tiah a hal. Buddha nih a lehmi cu, “Midang zeihmanh na pe bal hna lo, cun zeitindah ka pek lai ti zong na thei lo” tiah a leh. Sifak pa nih, “zeihmanh pek ding ka ngei lo ee..” tiah a let than.

Buddha nih a chimhmi cu, “Na ngeihmi “pum” hi mibawmhnak na hman khawh, na ngeihmi “hmur” in midang kha aw nemte na chawnh biak khawh hna, na ngeihmi “hmai” in midang kha mirhte in na um piak khawh hna, cun, na ngeihmi “mit” zongin midang kha dawtnak mit in na zoh khawh ko hna” tiah a ti. Safak pa cu inn ah a lawi i, Buddha nih a cawnpiak ning cun midang cungah tuah aa zuam i, vawlei cungah a rum cem ah amah le amah kha aa ruat cang tiah cauk pakhat ka rak rel bal.

Hi tuanbia hin thazaang lak ka duhmi cu “nunnak” hi kanmah ta a si lo. Pathian sinin kan hmuhmi a si caah midang caah hman kan i zuam ahcun lawmhnak taktak kan hmu lai. Baibal nih, “Mi pakhatkhat nih siang tein a ṭhenh lengmang hna i a rum chin, a dang pakhat nih tinsih in a um i herhbaunak lawng kha aa miak ko (Phut. 11:24) tiah a kan cawnpiak. Biabal nih rumnak taktak a timi bel cu, “mah tinvo i a lung hna a ngammi” (ITimote 6:6-8) an si. Cucaah Paul nih, “Sifak ngai kan lo sihmanhsehlaw mi tampi kan rumter hna, zeihmanh a ngei lomi ko kan lo, asinain a taktak ti ahcun kan ngeih lomi a um lo” (II korin 6:10b) an ti ve. Na rum taktak maw? . by Rev .Sang Uk Cung.