Zeiruangdah KIO bomb an thlak hna? Zeidah chuak kho?

Zeiruangdah KIO bomb an thlak hna? Zeidah chuak kho?
========
KIO dirhnak kum 62 a tlin, puai an tuah lio ah Kawl ralkap nih ngaihthlem in bomb vanlawng (3) in a thlak hnawh hna. Nihin tiang thawng an thanhning ah 80 renglo an thi, hma pu mi an tampi. KIO lei in upa a thimi cazin ttha tein thanh si rih lo. A thil tuahmi he pehtlai in ramdang cozah nih mawhchiat a tong, ka tong lai ti zong cu a rak i theih. Si ah ziah a tuah?

(1) KIO hi atu dothlennak ah a biapi cem phu si tiah a palh lai lo. KNU nih NUG le NLD minung tampi a ramri ah a zohkhenh hna. Asinain, KIO hi hriamlei ahcun atu dohthlennak ah thazaang chuahcem a și. NUG i northern command zg hi amah nih a tleih. PDF pawl zong hi KIO sin training kaimi cu an i uang khun. Cu tikah ralkap cozah nih cun rul i a lu bantuk ah a hmuh.

(2) Kawl Ralkap nih NUG le hriamtlai phu he international pawl duhning in biaruah a duh rih lonak a laughter. Bomb a thlak ruangah mipi le KIO an thin hang chinchin lai timi a theih, cu thinhang nak nih hriamtlai pawl biaruahnak an ra duh lai lo timi a theih. Ralkap nih a duhmi cu biaruahnak hi (amah duhning a si lo ahcun) um hlahseh, thimnak (election) tu ah ka kal pi hna lai ti a duh. A fawinak cun international community le cheukhat mipi duhning in kal kho hlah seh, keimah lam kai sial ning in ka kal lai ti a duh.

(3) Tlangcung hriamtlai phu warning pek a duh. A fawinak cun tlangcung hriamtlai phu hi tutan ralkap dohnak ah a biapi cem an si. Kawl ralkap le NUG nih anmah lei ttang dingin an i cuh hna. A fawinak in chim ahcun fak deuh in nan bawmh le ttan si ahcun bomb kan i thlak hna lai timi warning pek an duh. Aho mawhchiat zei ka rel lo, a herh ahcun ka tuah rih lai timi bia pek a duh.

(4) Ramdang cozah nih hriamtlai phu tha pek a tthawng chin la. Mah ka chim tikah vanlawng kahnak, or hriam pek tbk ka ti duhnak si lo. Asinain, adang bawmhnak (humanitarian siseh), adangdang hmuh rih lomi tampi a ra kho.

(5) KIO le adang phu nih zeitin an lehrulh lai. A fiangmi cu anmah KIO chungah zeitin dah kan lehrulh lai timi fak ngaiin bia an i ruah hna lai. A thinhang mi pawl nih fak piin leh an duh la (NPT hrawng hna bomb puah, ralkap assembly lio hna kah tbk). Cu nih cun NUG a strategy zong tampi a shape la.

Vanlawng kahnak (MANPADS) hi tangka kong nakin international support ah a buai deuh in ka hmuh. A chawva cun NUG siseh, armed group pawl nih an cawk khawh ngai ko, nain a cawk a kan ongh rih lomi hi a poi. A kan onh (rih) lonak hi raltuk hnu ah mipi phurhmi vanlawng tbk le international vanlawng tbk kawlram lei a zuan ah threat tk si la timi hi a ruang pakhat si lai dah. Adang zong cu um rih lai nain. Mah hihi self-defense caah bawmh an hau timi ramdang minung duhsah in an van tam ngai cg. Hmailei ah zei cu a lawh lai timi cu theih a si lo I mu.

KIO Tatmaha (9) Ah SAC Ralhrang Nih Vanlawng Bomb A Thlak Mi Kongah SAC Ralhrang Bomtu Tatmadaw Daily Activity Nih A Tial Mi! “A tu chan ah a phunphun in fimthiamnak a thangcho chinchin bantuk in Spy fimthiamnak zong a thangcho chinchin cang. ASEAN he tahchunawktlak a si mi Tatmadaw nih nan mah tapung sakhan pawl cu khuaikaa hmun, Zei Map (Meepung), thazaang zeizat he zeibantuk minung nih dah an hruai hna timi thawk in theih cia dih a si cang.

Zei poh hi a zapiin hmattan kan lak dih cang. Timhtuahnak (Kah timhnak hmun) hmatpungtin tuah dih a si cang timi hi nan mah nih nan theih a herh. Kan mah tlangcung mi tiin kan i ti hna caah i kan tuah duh lo bia a si. Nizaan ah KIA Tatmaha (9) hmunhma ah KIA tapung pawl State Show an tuah lio ah kan vun nam hna KIA ralbawi zong, KIA ralkap hme zong, An mah fektein cohlangtu bomtu zong an i tel dih cang.

A tu voikhat a ra than lai. Kan tuah duh lo ruangah kan tuah lo bia a si. Tapung pawl nan i fian a herh cang. KIA pawl kan mah tlangcung mi tiin remdaihnak kaa ser tiin thutdant cungah kan i sawm hna. A si nain hlennak a si lai tiah nan ti i remdaihnak ser cu nan duh lo, Nan tuah duh lo. Hi thil hi kan tuah rih lo bia lawng a si. Hi thil hi nan theih ding ah kan theih mi lawng a si rih. A ra than te la.” tiah SAC ralhrang bomtu Tatmadaw Daily Activity nih a tial.

Vanlawng bombthlaknak ruang ah hma a pu mi 100 leng sii i thlop kho lo ding in ralhraang nih an kham hna! Kachin ram, Hpakant peng, KIA Brigade-9 hmun ah ralhraang vanlawng pathum nih bomb an thlak hna caah hma a pu mi rammi 100 leng cu sii i thlop kho lo ding in Ginsi khua chuah Gate ah Council ralhraang nih an kham hna tiah Kachin News Group nih a tial.

Ocotber 23, KIA Brigade-9 hmun, A Nang Pa hmun ah KIA Ni don hlasaknak an tuah i ralhraang Jet Fighter pathum nih bomb a thlak hna ca ah mi tampi an thi i 100 leng hma an pu. Hma a pu mi hna cu Hpakant le Myitkhina sii-inn pawl ah thlop an timh hna nain Council ralkap pawl nih Ginsi khua in an kham hna tiah KNG nih a tial.

“Hma a pu mi pawl kan chuah kho rih hna lo. Hika lei mi bawmchantu phu pawl nih an va ton hna nain an luhter hna lo. A ngah hnga maw tiah mizaw phor motor pawl an va kal nain an dihlak in Ginsi in an rak kir than. An kan honh ahcun, kal ding in mi bawmchuantu phu pawl timh cia in an hngak ko,” tiah chun hnu suimilaam 1:30 hrawng ah an chim.

Atu ah Ginsi Gate ah hma pu mizaw pawl chuahnak nawl pe lo in an hren hna leng ah, Brigade-9 hmun chung ah siibawi le sii-ai pawl lut kho lo in ralhraang nih an kham tiah theih a si. Mi bawmchantu phu motor pawl, siibawi pawl nih Hpakant khua chuah zawn lawng in an hngah hna tiah thieh a si.

“Atu tiang cu an va chawnh hna lio lawng a si rih. A ngah lai le ngah lai lo hngalh a si rih lo. A ngah ahcun motor pawl chuah ding in timh cia an si,” tiah tualchung mi pakhat nih a chim. Atu ah cun Council ralhraang nih Sankway Hlei le Pantin Hlei in mi an check i ralkap thazaang zong an chap tiah theih a si.

KIO Kum 62 Tlin Lawmhnak Ah SAC Nih Vanlawng In Bomb An Thlak, Hliamtuar Le A Thimi 30 Hrawng An Si. Kachin Independence Army (KIA), Brigade 9 hmunhma chung, Hpakanh ah Kachin Independence Organization (KIO) kum 62 tlin lawmhnak Oct 23 ah tuah a si i cu zaan 8:30pm hrawngah KIA Brigade 9 umnak A Nang Pa ah hlasaknak an tuah i SAC nih vanlawng pathum in bomb an thlak tiah theih a si.

A hmun a ummi pakhat nih “Jet Fighter pathum in an rak thlak. Thaizing ah tuah dingmi KIO ni caah hlasaknak kan tuah chung lioah an rak thlakmi a si. Hliamtuar le a thimi an tam” tiah a chim. Hliamtuar le a thimi 30 hrawng lakah Kachin miphun hlasak thiam Aurali cu hla a sak lioah bomb nih a khen i a hmun ah a thi colh. Cun Kachin lemcang thiam minthang Lahtaw Zau Ding zong fak ngai in hliam a tuar tiah theih a si.

Hliamtuarmi hna lakah KIA ralbawi cheukhat zong an i tel tiah Kachin News Group nih a ṭial. Hlasaknak an tuahnak hmun cu Hpakanh peng Ginsi khua in mengkhat hrawng a hlatnak ah a si tiah theih a si. Khit Thit Media nih cun hliamtuar le a thimi hi 50 hrawng an si tiah a ṭial.

Tuksapur, Sual rapthlak, Sual chimpit, Sual donghnak, Thlacam piak ko sih! Hi bantuk tawhlanzee ral i tuk lio can ah puai tuah ding i ruahnak an ngeih mi zong hi i hlenhnak a um asilo ahcun hruh khawruahnak asi ti awk tlak in. Maw ka thin cu zeitin kan tuah lai ti awk ka thei lo pathian sin tu thlacam bawm hi kan rian si ko Seh law.

Kan mah laimi zong a tu lio can ah hin cun ni sung lawi Laimi phun ni hei ti bantuk ah hin cun ralrin a hau.tuah lo hmanh ah a tha a kan thlak hnawh ve sual lai. Hrial rih ding thil cu hrial cio rih hna sehlaw a tha. Hi tluk thlachiat ruah lo hi a mak tuk e. Khuazing Pathian nih lairel ko seh law.

Poi tuk kan nau pa kachin a tuar fak khun ee. Falam mi Kachin raldoh mi an donh lio ka chin ka hawi le nih keimah tu an mawtchiat len. Minutes 30 chimh fian nak ka tuah. Vomkhuai thih kaw hngalhriang a hnaruk a fak khun ko. MAH TV nih arauh hlan ah- PDF nih bom an thlak ti hawi ko la. Nai Kawhkaret khua i kahnak hmnah PDF nih vanlawng in bom an thlak ti bak in TV in an thanh huar ko.