Zoh Sawhawk An Tha Ti Hna Lo Hi Mi CDM A Tuahlo Mi Pawl Hi

Non CDM saya/ma pawl nih camipuai phi ding in siangngakchia cheukhat phone in an lemsoi hna
➖➖➖➖➖➖➖➖
March 15, 2022

Myanmar ram uknak Min Aung Hlaing nih hramhram in a laak hnu siang ca chim saya/ma tampi CDM an tuah lio ah CDM a tuah lomi saya/ma hna nih Hakha khuapi chung siangngakchia cheukhat hna cu camipuai phi ding ah phone an chawnh hna i an lemsoi hna tiah kan theih.

Chin Ramkulh Fimcawnnak zung lei in thawng kan theih ning ah tangcheu in taanghra tiang March 17 ah camipuai an phi dih lai tiah kan theih.

Cawn ning hlun in an cawn mi a phi ding hi cu taang kua le taang hra lawng an si lai i, G6 in G8 hi a thar an cawnmi in an phi lai tiah CDM a tuahmi siangsangruun ca chim sayama pakhat sin in kan theih.

Chin Ramkulh Peng kua chung ah, peng a tam deuh hi cu SAC ralhrang hruainak in tuah mi camipuai phit an i tim nain a phi hnga ding siangngakchia tu cu an tlawm tiah kan theih.

Myanmar ramhuap in 2022 taanghra camipuai phi ding lawng hi minung 312299 an si tiah theih a si.

Photo: Taang hra camipuai a phi ding siangngakchia pawl hmanthlak hlun a si.

#TheHakhaPost

 

Be the first to comment

Leave a Reply

Your email address will not be published.


*