Zualko: Christmass Lai 24,2022, Ramvaihnak Ah Meithal In I Kah Sualnak A Um!

Thihdar: Christmass Lai 24,2022, Ramvaihnak Ah Meithal In I Kah Sualnak A Um!
========
“Aizawl” ni 24, December, 2022 ah khan “Lalhmingsanga” kum 40, YMA Mission sangah um mi cu ramvaihnak ah meithel in an kah sual ruangah a nunnak liam ti ah theih si. “Meithal kuan luhnak hi a taksa kehlei lawng te ah si in, ka rel ah khan hmun 9 hrawngah a khenh in ka theih.

A kehlei khabe ah pakhat, a keh lei ban ah pathum le a alzim kehlei ah hmun 5 in ka hmuh. A khabe meithal kuan luh mi hi a vorhnak hmun dang ka hmu bak lo, mah hi a thihpi mi siman lai ti ah kan zumh’ ti in a hmun ah kal mi YMA mission sang Branch hruitu pakhat nih Zalen News ah a chim.

Zalen nih YMA Sang Branch hruaitu hna sin in a theih ning cun, Lalhmingsanga hi “Lungleng ram tlawng” pawngah loo tuah in vawk zua mi si. A zohkhanh tu hna an i dinh ruangah ni 20, December, 2022 ah khan a nupi le a fa hngakchia cem hruai in an riak. Christmass mehmua ah ti in a unau pe he ramvaih ding in an chuak ti ah theih si.

December 24 zanlei suimilam 5:00pm hrawngah meithal puah thawng theih a si i, a hnu deuh ah zunkhat puah than mi aaw theih si than. Hmingsanga nih hin a chung le phone call a pick khawh lo ruangah midang sawn in an kawl colh. Ni 25, Zinglei suimilam 3:00am ah thingtang lungpi pawngah RUAK in hmuh si. YMA mission sang hruaitu hna cu zinglei suimilam 4:00am hrawngah a hmun an phan colh ve.

Mithi hi Zoram Medical College, Falkawnah post mortem tuah in, a hnucem i hmutu “Ramchhuahpui” hi Palik sakhan ah bia hal ding in an lak ti ah theih si fawn. Hikong he pehtlaiin, Kulikawn Palik hna nih cun tu tiang thil can ning hi an theih kho rih lo, a mah te in a khawh sual i si lai ti lawng an ruah khawh tawk si rih.

Lalhmingsanga hi Damdiai khuaah Hight School ah ca chim tu a rak si tawn, kut riantuan nuam ti mi si ruangah ca chim tu rian hi chuahtak in ‘Head Mistiri’ a tuan. Tantak mi, A nupi le a fa le 3 Pathian nih tuarin khawhnak pe hram hna seh.

SAC Ralhrang Nih Jet Vanlawng In Bomb An Thlak Hna Caah Mipi 4 An Thi! Magway ramtthen Saw peng Naungkan (ညောင်ကန်) khua ah SAC ralhrang nih kahdohnak umlo nain Jet vanlawng hmangin Bomb an thlak hna caah tualchungmi minung 4 nunnak a liam tiah theih a si. “December 26 chun slm2:00 tluk ah Jet vanlawng pakhat in Bomb an thlak hna i nitlak lei ah a zuang, a kirpah ah Bomb thlak pah in an kah tthan hna caah nu pakhat le pa pa 3 nunnak a liam.

Nu pakhat le pa pa 7 nih hliamhma an tuar” tiah Yaw hriamtlai in Ko Aung Gyi nih Khit Thit Media ah a chim. SAC ralhrang nih kahdohnak zong umlo nain i tinhchih tein Jet vanlawng hmangin a kah hna tiah a chimchih.

Kalaymyo Ah Siibawi Pakhat Telh In Mino 5 Tlaih An Tong. Sagaing ramṭhen, Kalaymyo ah nizan Christmas Ni zinglei ah Kalaymyo sii-inn uk Deputy Assistant le Mingalar Oo Yin sang ummi Myint Mu Kyaw(kum 37) cu Myothar lei kap ah cycle in a kal lioah SAC ralkap nih an tlaih, zei ruang ah dah an tlaih ti cu kan hngal lo nain PDF he pehtlaihnak nan ngei tiin sual an puh caah a si men lai, tiah tualchung mi pakhat nih a chim.

Tualchung mi pakhat nih, “Ney Gyia Taik hmai ah SAC ralkap nih duh paoh in meithal an kah caah tualchung mi pakhat a nunnak a liam. Station lamṭhen kam zong ah naute aa puakmi nu cu SAC ralkap nih motor in an pah caah hliamhma a pu, tiah theih a si.

Cu pinah Mingalar Oo Yin sang khua caan tuaktannak zung kam ah mino 4 zong Christmas Ni ah SAC ralkap nih an tlaih hna, tiah theih a si. A luancia zarh zong ah Myohla khua hnulei ah rallam a sialmi SAC ralkap nih lam hmuhsaktu dingah tualchung mi pakhat an rak tlaih cang.

CDF-KKG Nih Tahan Traffic Point Um SAC Ralkap An Kah Hna , Meithal Zunkhat Le A Kuan Tam Ngai An Lak. Kalaymyo, Tahan sang traffic point ah umhmun a khuarmi SAC ralkap pawl cu CDF-KKG nih December 24 zinglei sml 10:30 hrawngah kan kah hna i MA 2 meithal zun khat, kuanbawm pakhat le kuan 60 hrawng kan chuh hna, tiah CDF-KKG nih cathanh an chuah.

Traffic point um SAC ralkap hna cu CDF-KKG ralkap hna nih an va peel hna lioah an hmuh hna i, meithal zong i put loin an zam tak, tiah theih a si. Cu hnuah SAC ralkap 30 hrawng nih rallam an sial i, duh paoh in meithal an thlah caah tualchung mi pakhat a nunnak a liam i, cheukhat cu meithal kuan nih a khen hna caah hliamhma an pu, tiah CDF-KKG nih an langhter.

SAC Ralhrang Nih An Thahmi Hna Minung 8 Ruak Cu An Thutnam Hnu Ah Hmuh An Si! Sagaing ramtthen Indaw peng Kanni (ကမ်းနီ) khuapawng ramlak ah SAC ralhrang nih an tlaih hna hnu ah thahmi hna mipi minung 8 hna an ruak cu an thutnam hnu ah hmuh an si tiah tualchung hriamtlai (Indaw Revolution – IR) nih thawngthanhnak an tuah.

November 28 lio ah Magway khuapi hrambunh SAC ralhrang nih Netmahaotgyi (နတ်မဟုတ်ကြီး) khua an luhhnawh i mipi minung 8 an tlaih hna hnu ah an liang an leh hna i minung 2 cu an lu an tan hna, a dang 6 cu an thluakzong pawt dihtiang fungin an tukhna.

Minung 3 cu khur pakhat ah an phumhna a dang 5 khur pakhat ah an phumve hna tiah theih a si. SAC ralhrang nih an thahmi hna chungah PDF minung 3 hna i an pa le hna le an upa hna zong an i tel tiah (Indaw Revolution – IR) in nawlngei pakhat nih Khit Thit Media ah a chim.

SAC Ralhrang Nih Fialmi Khuabawi Pa Naam Sawhnak In A Thi! Mandalay ramtthen Mogok (မိုးကုတ်) peng Kin (ကင်းရွာ) khua ah SAC ralhrang fialnak in khuabawi ttuanmi Khin Mg San le a nupi hna cu December 24 chun slm11:30 tluk ah mizei ti theihlomi hna pa rual nih an inn chungah an luhhnawh hna tiah theih a si.

Cuhnu ah Khin Mg San cu naamte in an sawhchih caah a thi, a nupi tucu zeibantuk harsatnak hmanh pelo in an chuahtak tthan tiah tualchungmi hna nih Khit Thit Media ah an chim. SAC ralhrang nih thah a tongmi khuabawi pa ruak cu hlathlainak an raktuah hnu in tualchungmi mino cheukhat an tlaih hna caah thinphang ngai a si, tiah an chimchih. Credit: The Chin Post, Lungmili Post

Be the first to comment

Leave a Reply

Your email address will not be published.


*