Zualko: Falam Peng, Hlanzawl khua pawngah a kalmi pakhat cu Ralhrang pawl nih an kah thah!

Zualko: Falam Peng, Hlanzawl khua pawngah a kalmi pakhat cu Ralhrang pawl nih an kah thah!
==========
Tuni Falam peng, Hlanzawl khua kiang ah lo feh mipi pakhat Uico pawl in an kap that. Ka nolh ding. Uico pawl cu minung thinlung an nei lo. Curuang ah Uico pawl ratnak lamzin ih suakvak kan kham aw mi si. Khual tlawng hrih hlah uh.

Suakvak lo ten himnak ah beu hrih ko uh. Internet line umlo ding ruang ah mah le naivai cio phone thawn si maw sim aw than hrih uh tiah zangfah kan lo dil bet.

Uico pawl Khawzang lam ah a rual in an suk. Mibang lo hman thawi le velh an paih tikah. Mipi pawl kan ralring le kan fimkhur a tul zet.

Mipi ralrin ding le ngennak; CNO in ralrinnak ca kan suah tikah mipi zaten in thlunsak ding ah zangfah kan lo dil.
Uico SAC pawl laitlang lam an kai tikah kah do awnak a suak timi cu zaten theih cia a si. Kah do awnak ah Uico lam khal siseh,Mipi ralkap lam tla siseh thang siah aw kha a si.

A thupibik cu hramlak lamzin zawh hrimhrim ding a silo. Lamzin pi khal si seh khual tlawng sukso tikah Uico pawl thawn tong aw ih kaih tuar tivek a um thei.(Tampi tla a um zo). Minung thinlung an nei lo ruang ah kah do awnak ah mipi cu ralphaw hmang tahrat in an hruai theu.

Kan theih cia tla a si ko. Cu ruang ah khual tlawng sukso mipi pawl le Uico pawl ratnak lamzin tluan ih um Lailam mipi pawl a cang thei tawk khual tlawng le hramlak vak tivek um lo ding in kan lo ngen. Line hmang theih lonak hmun ih um pawl sungkhat naivai cio in phone in si maw kan sim sawng aw thei sehla a tha.

Nunnak pakhat man cu a khung. Mipi pakhat nunnak manmual cu a sangbik. Ralrin tluktu um lo. Ralrinnak ca kan suah tikah mipi in zangfahten in thlun sak uh ti ah sawm aw phah in kan lo ngen a si cu. A thupituk mi si. Online thei lo khawte lam pawl khal simaw vivo thei sehla a ttha sinsin. A hmu lo le a thei lo tla an um thei.

Ralrin peknak a silo.Ralring ding sawn kha sawm aw a si.Mipi hnen ngen sawn mi a si.Zangfahten tin tongkam tla ka hmang komi a zaten na siar le na hmu ko ding. Cule ruahnak in pek vek in lailam pawl sim thei tawk cu kan sim than aw ko sokhaw. Si. Kan nih cu mipi hrang tuantu kan si.

Mipi ralrin peknak, timi țongfang hnak in, mipi hnen ah zaangfah dilnak tisehla siar a nuam deuh ding ah ka ruat.
In cawmtu hi a bik in mipi an si ruangah ziangvek khal a si le awkam thlumten zaangfah dil ringring sehla mipi thinlung kan neh thei bik ding ka zum. Ralrin peknak timi cu mipitlun ih power nei tuk ih țong awkam suak vek deuh a bang.

kan nih cu mipi hrang ih hnațuan tu kan si vek in, in cawm tu khal mipi an si fawn. Internat ngahlo nak khua a tam ruangah, phone call ngahlo nak khal a tamzet, mipi a siatsuah theinak hmule ram cu hruai tu in khua ih kan rinsan mi hnen ah sim than thei sehla kan him tlang zet ding in ka ruat.

CNDF ttanpitu pakhat hokhaw ka si ve. Valung le Zawnglei karlak ih thilcang kha vansiat ruangah a si ko nan khatlamah zinpi tluan ih um lo khuate (kan khua pawl hman an thei lo) tampi cu online thei lo lawng si loin signal hrimhrim um lonak a um. Cu pawl hrangah simthanawk vivo a ttul ka tinak men a si. CNDF lam ttuanvo neitu pawl ka mawhthluknak a um lo hrimhrim.

Be the first to comment

Leave a Reply

Your email address will not be published.


*