Zualko: Ka Nau Kawi Uk aw nang cu ram le miphun caah na biakam bang in na nunnak na pek!

Zualko: Ka Nau Kawi Uk aw nang cu ram le miphun caah na biakam bang in na nunnak na pek!
==========
Ka nau le nan thongpang thei cu intuar ahar ko e zeitin kan tuar khawh lai e kan siang hna lo e. Ka nau kawi Uk aw nang cu ram le miphun caah na biakam bang in na nunnak na pek caah upatnak sang bik kan pek e.

Na lungthli saduhthah na tlingh khawh lo zongah atang rih mi na miphun nih na keneh an rak zulh ko lai e Bawipa kan lei atan ahcun teinak cu kan hmuh hrimhrim ko lai lung Sia herh lo tein rak i din ko mu.

kan ngeih arachia tuk cio e, tantak mi chungkhar khuami Pathian nih in hnem ko hna seh mu. Bawipa nih in hnem hna seh law ka U ngeihchia tuk ee. Sung Zi Mang

FIFA World Cup 2022 Cu Tuzan Ah Thawk A Si Cang Lai. Caan saupi pumpululh zohtu(fan) hna nih kan i ngaih bik mi FIFA World Cup 2022 cu Qatar khuapi Doha ah thawk a si cang lai. Tutan FIFA World Cup an chuihnak hi Middle East ram lin/lum a si caah vawidang bantuk siloin nikhua a kihdaih deuh caan November-December ah chuih a si lai. Middle East ah World Cup an chuih a vawikhatnak zong a si lai.

Hi ruangah hin vawleicung ram tampi league chuih lio mi cu a hnursuan i, players zeimawzat zong hliamkhuai an ton ruangah World Cup an chuih kho lo. Cu pin ah vawleicung nihrin covo phu hna sin in tutan Qatar World Cup hi soisel a tong ngai fawn. FIFA World Cup dong ding in an i timhsaihnak ah Qatar nih nuhrin covo a buar; Qatar cozah fel lo ruangah rianṭuantu tampi nunnak a liam, ti a si.

Muslim ram a si bantuk in zu khapnak ram a si i, stadium chung ah beer zuar le din an siang lo. Cucaah sponsored zeimawzat nih an chuahtak hna, tiah thawngpang a leng. Muslim biaknak nih nudawk padawk(Gay) a cohlan lo bantuk in certual ah gay dirkamhnak langhter lo ding Qatar siangpahrang nih FIFA a rak theihter cang. Cucaah nuhrin covo a dirhkamhtu hna nih a doh ngai i tutan World Cup cu ka zoh lai lo a titu minung zong an tam.

Tutan World Cup donnak ah hin Qatar cu $229 billion bak a dih i, vawleicung tuanbia ah a dihheu bik World Cup a si. Stadium(Certual) dawhdawh cu muisam phundang ngai in an sak i, riahbuk(hotel) ṭhaṭha zong an sak. Ram hme te an si nain Oil le Gas ah a rummi ram an si caah an i timhsaihnak ah phaisa an dih hringhran.

Hramthawk puai(Openning Ceremony) cu tuah cuahmah lio a si cang i, pumpululh chuih taktak cu Myanmar caan zaan suimilam 10:30(9:30 IST) ah inn ngeitu Qatar le Ecuador nih an chuih lai. Tutan World Cup ah hin ahodah bualco lai? na ruahnak zalong tein comment ah chim khawh a si.

NUG Nih US Telh In Ram 8 Ah Palai Zung An On Khawh Cang. Hramhram in nawlngeihnak latu SAC cu sualphawt le mawhchiat an tong chin lengmang i cu lioah NUG nih ramleng ah palai zung 8 tiang a on khawh cang. Nov 18, 2022 ah US ram ah NUG palai zung cu tluang tein an on cang.

US i NUG palai zung cu US Cozah hmunpi Washington DC ah an on i White House in meng cheu lawng aa hlat. NUG nih palai zung an on cang nak ram hna cu UK, Australia, France, South Korea, Japan, Czech Republic, Norway le US hna an si.

Phungning tein NUG palai zung onnak nawl a petu ram/cozah hna cungah SAC nih an lungtlin lonak cathanh an chuah ve. Palai zung an on cang nak ram hna nih NUG hi Myanmar ram aiawhtu cozah an si tiah cohlan taktak um rih lo hmanh seh law palai zung onnak nawl an pekmi hna nih NUG le Myanmar mipi hna lei ah an dir ko ti kha a langhter.

Be the first to comment

Leave a Reply

Your email address will not be published.


*