Zualko: Nurse nu pakhat cu ralhrang nih an hremnak ah a thi!

Sii-ai Lei In PDF Bawmhnak Na Pek Hna Tiah Tlaih A Tongtu Myandalay In CDM Nurse Cu Ralhrang Hremnak In A Nunnak A Liam
============
Sii-ai lei in PDF bawmhnak na pek hna tiin Tho Oct 29, 2022 ah tlaih a tongtu Myandalay CDM nurse Po Thandar Aung cu ralhrang nih tukvelh, hrem ruang ah a nunnak a liam tiah theih a si. A luancia Tho 27 ah Palay-Kankaw lam cung ah ralhrang nih ke 6 motor pakhat an tlaih i tangka an hal hna.

Cu motor chung ah cun (မေ့ဆေး) seh an hmuh hnu in PDF pawl sii-ai lei in bawmhnak nan pek hna tiin Myandalay CDM doctor, nurse le ngandamnak lei rianṭuantu minung 30 leeng tlaih an tong tiah theih a si. Htilin peng PDF pawl kuatdingmi sii-ai he ngandamnak lei rianṭuantu minung pa 5 hna cu Tho 29 ah sii-ai sing 2900 man he kan tlaih hna,” tiah ralhrang lei nih thawng an thanh.

CDM nurse Po Thadar Aung telh in minung pa 5 an tlaih dih hna hnu Tho 31, Sikpar 1 le 2 zong ah ngandamnak lei rianṭuantu minung 20 hrawng an tlaih chap hna nain ralhrang lei nih zei bantuk thawng hmanh an thanh lo.
Hramhram in uknak chuh hnu ah ngandamnak lei rianṭuantu nih tlaih, hrem le thah nawn an tong. A tu tiang ah ngandamnak lei rianṭuantu 58 ralhrang kut in an thi cang i 700 reng lo tlaih an tong tiah NUG nih a langh ter.

Mandalay Ramṭhen, Matayar Peng Ah Bomb Puahnak In SAC Ralkap 9 An Thi! Mandalay ramṭhen, Matayar peng Muaitalaing (မြွေတလိုင်း) khua um SAC ralkap pawl cu bomb in kan puahhnawh hna caah SAC ralkap 9 an thi, tiah bawino Tea nih a chim.

Mandalay ramṭhen, Matayar peng Muaitalaing khua ah umhmun a khuar i, Ayeyarwaddy a tlaklei Wetlet peng ah hriamngan in a kaptu SAC ralkap pawl cu nizan November 14 zing sml 9:00 hrawngah Muaitalaing khua in an chuah lei ah bomb in kan puahhnawh hna i, SAC ralkap 9 an thi, pakhat hliamhma fak ngai a pu, tiah Bawino Tea nih cun a chim.

Bomb kan puahhnawh hna sml pakhat a rauh ah Matayar khua in SAC ralkap 300 hrawng cu Ayeyarwaddy tiva thluan in an chuak i, khuate cheukhat ah umhmun an khuar, tiah tualchung mi hna nih an chim. Cu kahdohnak ah cun Tawkyi Myaway pyaw(တောကြီးမြွေပွေး) le Daung Shwe Bo pengkomh Battalion 17 hna i bawm in an kah hna, tiah theih a si.

SAC ralkap nih Matayar peng Ayeyarwaddy tiva thluan ah a ummi khuate tam ngai ah rallam an sial i, khuami tam tuk ralhrial in an zam, tiah theih a si.

Kalay Peng Ah SAC Ralkap Nih Lamkam Thingkung An Hau Tiah Tualchung Mi Nih An Chim! Kalay-Tamu motor lampi telh in Kalaymyo pengchung hmun tampi ah a ummi thingkung hna cu SAC ralkap nih tuthla chung ah nitin ngawt in thingkung an hau kan hmuh, tiah tualchung mi hna nih an chim. Kalaymyo pengchung lamkam ah cinmi thingkung hna SAC ralkap nih an haunak a ruang hi khuapau a si cang caah vanlei kahdohnak ding timhtuahnak an ngeih caah a si kho, tiah tualchung mi hna le PDF nih an zumh.

“Thinkung a nganmi pawl cu a luancia thla hnih hrawng in an hau cang hna, PDF cawlcanghnak hmunhma lawng siloin hmun tampi ah thingkung cu an hau. Van lei kahdohnak tuah a timh caah a si lai tiah an lunghrinh cio. Ruahchanmi ngei tein tuahmi thil a si,” tiah Kalaymyo khuami pakhat nih a chim.

Tualchung hriamtlai phu hna nih lamkam ah a ummi thingkung cung ah bomb hmanh in kahdohnak an rak tuah caah SAC ralkap hna nih lamkam thingkung an haunak a si tiah thawngpang a rak leng bal cang. Asinain atu ah PDF thazaang a ṭhawnnak hmun lawng ah siloin pengkulh chung hmun tampi ah SAC ralkap nih thingkung an hau, tiah tualchung mi hna nih cun an chim.

“SAC ralkap nih thingkung an hau kan hmuh, vanlei kahdohnak tuah a timh tiah thawngpang zong a leng, kanmah lei zong nih a hlankan in timhtuahnak kan ngei ko,” tiah Kalaymyo peng tualchung hriamtlai phu chungtel pakhat nih a chim.

SAC ralkap hna nih cun anmah pumpak in thingkung cu hau lo in Department of Construction cu an hauter hna. Cucaah Construction zung rianṭuantu hna cu SAC ralkap fialmi ṭuan lo ding in tualchung hriamtlai phu hna nih ralrinnak an pek hna.

Homalin PDF Nih Ralhrang (70) Hrawng An Thah Hna. Sagaing ramṭhen Homalin peng Pyinkhyoh (ပင်ခုတ်) khua ah SAC ralkap hna, SNA hriamtlai phufonh hna le PDF karlak ah kahdohnak a chuak i ralhrang 70 hrawng an thi tiah Khit Thit Media nih a langhter.

Sikpar 11 zan ah Homalin peng PDF ṭhithruainak tangah a ummi Pyinkhyoh khua ah SAC ralkap hna le SNA hriamtlai phu hna nih rallam an van sial caah Homalin mipi ralkap phu le a hawile hriamtlai phufonh hna he tiin kahdohnak a chuak tiah theih a si.

Kahdohnak a chuah hnu Sikpar 13 zalei sml2:00 hrawng ah ralhrang hna le SNA hna cu Homalin khua in hnu an kir țhan tiah theih a si. “sikpar 11 in kahdohnak hi a chuak. SAC ralkap pawl le SNA hna cu kan ukhruainak hmunhma a si mi ah an rat caah kahdohnak a chuah hi a si. Sikpar 13 zanlei sml 2:00 hrawng ah kahdohnak kan ngolh.

Kan theih khawh tawk ah 70, 80 hrawng cu an thi ko lai tiah kan zumh. SAC ralkap hna le SNA pawl cu Naungpoaung (နောင်ပိုအောင်ရွာ)khua ah an kir than” tiah mipi ralkap pakhat nih a chim. Homalin peng chung ummi Matmon khua zong ah SNA he kahdohnak a um ruangah khuami hna cu SNA phu hna nih an țhawl dih hna i an himnak cio ah an zam hna tiah theih a si.

Nanmah Hmunhma Silomi Ah Inn Nan Sak Tiin Ralhrang Nih Inn 300 Hrawng An Hrawhpiak Hna. Mandalay ramṭhen Pyigyitagon(ပြည်ကြီးတံခွန်) peng 115/6/58 tlanglawng lampawng le tiluhawr pawng ummi inn (300) hrawng cu nanmah hmun silo mi ah inn nan sak tiin ralkap, palik le Sipin hna nih nihin ah an hrawh dih tiah Khit Thit Media nih a langhter.

Pauk peng ah cawnnak a ngei mi pyusawhtee pawl Drone in bom an thlak hnawh hna. Magway ramthen, Pauk peng, Yapin khua ah ralbawi pawl nih pyusawhtee pawl cawnnak an pek hna lio ah Drone in bomrap an thlak hnawh hna i Pyusawhtee pawl an tlizaam chih tiah Anonumous Special Task Force sin in thawng theih a si. November 12 ah Pauk peng Anonymous Special Task Force nih pyusawhtee pawl Drone in bom an thlak hnawh hna hi a si.

Kanbalu khua a khang mi SAC ralkap bomrap an puah hnawh hna, 40 hrawng an thi kho. Sagaing ramṭhen, Kanbalu peng ah a um mi Inma khua le Pintha khua a khang mi SAC ralkap pawl bomrap an puah hnawh hna i 40 hrawng an thi kho tiah PDF sin in thawng kan theih.

November 12 zinglei ah SAC ralkap phu 2 cu Inma khua le Pintha khua an luh lioah bomrap an puah hnawh hna hi a si i SAC ralkap 40 hrawng an thi tiah theih a si. SAC ralkap pawl cu bomrap puah hnawh an ton ruangah Inma khua an khangh dih i Pintha khua a khang mi SAC ralkap pawl zong bomrap an puah hnawh chap hna i SAC ralkap 2 an thi tiah theih a si.

“Inma khua ah nizaan ah a cang. Zinglei sml 9:00am hrawng ah bomrap an puah hnawh hna i 60 hrawng an thi tiah kan theih. Pintha khua le Inma khua SAC ralkap pawl an i fonh i Inma pungki sianginn ah hmunhma an khuar” tiah khuami pakhat nih Khit Thit ah a chim.

KNLA hruai mi hriamtlai phu pawl nih SAC sakhaan 3 an lak lio muicawl. KNU Brigade 3 hmunhma chung ah KNLA battalion 7 le 9 fonh in SAC Tanseik sakhaan, Bawkahta le Tungtanṭa sakhaan hna cu November 12 zinglei ah an lak khawh i SAC ralkap 11 an thi, hriam phun tampi, meithal phun 17 le kuan thong tampi an lak khawh tiah KNU nih a thanh.

SAC sakhaan 3 cu November 12 zinglei sml 4:00am ah an kah hna i zing sml 11:30am hrawng ah sakhaan 3 ning tein an lak khawh i him tein an kir kho. Tanseik sakhaan le Bawkahta sakhaan cu KNLA kekal phu nih an lak khawh i Tungtanṭa sakhaan cu KNLA Drone phu nih an hrawh khawh.

SAC sakhaan 3 cu an hrawh lio ah SAC ralhrang 11 an thi i hliam a tuar mi zong an tam tiah theih a si. SAC sakhaan chung in MA meithal zuun 8, kuan 3,070, 9mm zuun 2, 81mm kuan 68, 60mm a sau mi zuun 1, 60mm a tawi mi zuun 4, 60mm kuan 113, RPG 7 zuun 1, RPG 7 kuan 77, Grenade 28, Short Gun zuun 1, Short Gun kuan 88, M14 bomrap 10, adang bomrap 10, kuanbawm 27 le bomrap kawlnak seh 1 hna KNLA nih an lak khawh.

Sakhaan an thianh lio ah SAC nih vanlei in voi 20 hrawng an kah hna caah thilri a zapi tein an la kho lo tiah a langhter. SAC nih hramhram in uknak an lak hnu ah Brigade 3 hmunhma chung ah KNLA le KNDO nih SAC sakhaan 7 an hrawh khawh cang tiah theih a si.

“Tlanglawng lamkam he tiluhawr kam ummi sang pawl he an inn an hrawh piak dih hna. An hrawhmi inn hi (300) hrawng a si lai. Meithal in an ven hna i an hrawh. An țah thawng cu vawleipi a rawkmi bak si ko” tiah khuami pakhat nih a chim. Sikpar 9 zong ah Mandalay khua အိုးဘို le သူရဲစျေး ဘူတာ karlak inn a za in atu bantuk in an rak hrawhpiak hna caah mipi 10000 nak tam inn lo in an um hna tiah theih a si. Credit: The Chinland Post, CCN

Be the first to comment

Leave a Reply

Your email address will not be published.


*