Zualko: Pa Chit ka Nau na thawng kan theih cu kan i zum kho hrimhrim lo ee!

Pa Chit ka Nau na thawng kan theih cu kan i zum kho hrimhrim lo ee!
==========
Ka nau dam tein rak Kal ko mu. Van ram tu ah rak kan dong te ko law. Pa Chít! Mitha, khuaram daw tu le Pathian pakhat nak a chia peng tu, Na chan tawi tuk eee. Nangmah bantuk Pasal tha, Sakta nih kan i ngeih cu tiah kan thinlung te ah lawmhnak bia kan chim lên lio ah,

Vawlei in na kan then cang ti thawng theih cu, a hohmanh kan lung a kuai i kan ngaihchiat a chia dih ee. Nang cu an daw tu Napa Pathian taang nem ah na din cang mu. Pa chit Kan I zum kho hnga maw? Zahan zan ah pei na thawngtha chim ka ngai cu zeikhua hme na ruah.

Pa Chit ka Nau na thawng kan theih cu kan i zum kho hrimhrim lo ee a poi tuk vulei hngai hi na zun kan tuar cio lai. Kan tum mi vanram tu ah kan dongte ko mu. Kan zoh thlah tuk ve mi kan ni chawr tuk ve mi mu Abby pa Pachit khoi ah na um?

A poi tuk e mah bantuk thawng theih cu. Kan in tuarpi tuk hna e. Tantakmi chungkhar dihlak cungah Pathian hnemhnak tlung ko seh mu.

Ka kawi aw na thawngtheih cu khuari van tektla bang a tuar a har ko ee. kan hmanthlak ka fim nak hman a sau rih tung lo.mi nunnem mi zia tha. na Chan a tawituk ee .kawi aw ka inn te ah na rak ka riak bia za za kan i ruah ih lai ah thlacamnak te na kan tuah pi mu.

Maw thihnak hawikawm dawtmi le chungkhar nupi le fa zawn na ruah lo. Kawi aw na Liam lungsiaherh hla mu. kan tum van ram tuah rak kan dong te mu.

Chin Ramkulh Thlakhat Chung Kahdohnak Ruang Ah Tualchung Mi 8 Nunnak A Liam, 12 Hliamhma An Tuar! Chin ramkulh, October thlakhat chung kahdohnak ruang ah ngakchia 2 telh in tualchung mi 8 an nunnak a liam i minung 12 nih hliamhma an tuar, tiah theih a si. Bomb puahnak ruang ah le hriamngan le hriamhme hliamhnak ruang ah tualchungmi an nunnak a liamnak hi a si.

October 11, zaan suimilam 9:30 ah Tedim peng lah-wah-kah zung le ta-mah-wa-ya-mah zung a kangh hnu ah Tedim khuachung ah kahdohnak a rak chuak. Cu kahdohnak ah SAC ralkap nih an kahmi hriamngan nih kum 31 tluk a simi Daw Vung cu a lu ah a hliamh caah a nunnak a rak liam.

October 19, Hakha peng Buanlung khua ah hriamngan a tla i a puah caah kum 7 ngakchia 2 an nunnak a rak liam. Cu hriamngan khuan cu khoi in rak kahmi a si theih a si lo, tiah min langhter a duhlo mi Buanlung khuami pakhat nih cun a chim.

October 14 ah SAC ralkap hna cu Kalaymyo in Chin ramkulh lei an kal Kalay-Tedim lampi Hingzing khuapawng ah bomb puahhnawh in kahdoh an rak tong, puahkehnak a chuah lio ah SAC ralkap hna he hmunkhat ah aa tel mi Hingzing khuami minung 10 nak tlawmlo nih hliamhma an rak tuar. Khuami hna cu SAC ralkap nih ralphaw caah an tlaihmi hna an si tiah CDF nih cun an chim.

Kahdohnak a chuah tik ah SAC ralkap hna nih tualchung mi hna cu tinhchih in kahdohnak an tuahchih i, tualchung mi hna le CDF kar buainak chuak ding in then aa zuam tiah Chin tualchung hriamtlai phu chungtel tuanvo ngeitu pakhat nih a chim.

CHRO in Salai Za Uk Ling nih cun a tu bantuk in SAC ralkap nih tualchung mi hna cung ah tinhchih in kahdohnak an tuahmi cu ramkip nih fak piin an doh cio a herh, tiah a chim. CHRO cazin ning ah 2021, February 1 in 2022, October 31 tiang Chin ramkulh chung kahdohnak le SAC ralkap nih hriamngan kahnak an tuahmi ruang ah tualchung mi minung 347 nunnak a liam cang tiah an langhter.

Buaibainak ruang ah le himnak a umlo ruang ah Chin ramkulh in tualchung mi minung 46,200 nih an umnak hmun kaltak in ralzaam dirhmun an phan tiah UNOCHA nih October 31 ah khan cathanh an rak chuah.

SAC Ralkap Thahmi Mindat Peng Palungtui Khuami Ruak An Hmuh! Chin ramkulh, Mindat peng Palungtui khua ah SAC ralkap hna nih an thahmi tualchungmi ruak hmuh an si, tiah theih a si.

A luancia November 8, ah Htilin in rallam sialmi SAC ralkap hna nih tualchung mi cheukhat cu an thah hna i an inn an khangh piak hna, nithum a rauh hnu lawng ah SAC ralkap hna cu hnu an tolh. SAC ralkap nih umhmun an khuarnak Palungtui khuachung ah a ho si theih lomi mei kang ruak hmuh a si, tiah tualchung hriamtlai bu battalion in tuanvo ngeitu pakhat nih cun a chim.

“Ningcanglo in an khanghmi ruak cu kan hmuh tiah ralram ummi kan ralkap hna sin in kan theih, minung zeizah ruak a si cu fehter awk a tha rihlo” tiah a chim chap. SAC ralkap nih Palungtui khuami pa pawl an tlaihmi hna ruak a si, tiah CDF-Mindat he a neihniammi hna nih cun an chim.

CDF-Paletwa Ralkap Hna Nih Angki Lum Le Puan Bawmh An Herh. Khuasik a hun tlak cang bantukin lum tein um khawhnak ding ca ah puan le angki lum kan herh hringhran ko, cu lawng si lo in dohthlennak ca ah a herhmi thilri dang zong kan herh chih tiah CDF-Paletwa nih an Fb cahmai ah an langh ter.

Hmunkip um nu le pa hawikom dawt hna nih mah le si khawh tawk cio nan kan bawmh nak lai thawng kan in thanh ko hna, tiah bawmh an herhnak an langh ter.

Be the first to comment

Leave a Reply

Your email address will not be published.


*