Zualko: Pu Ram Ngaih Lian nih Mual a kan liam tak ruangmang ai ee!

Community Ah Mithi Kan Ngei
*************************
Pu Ram Ngaih Lian (28) nih 6 July 2022 (Thursday) ah mual a kan liam tak. Amah hi Nichuah Melbourne, Lai Christian Church Melbourne (LCCM) Khrihfabu chungtel le community i hruainak Australia Chin Community (ACC) chungtel a si.

A ruak vuinak cu community (ACC) nih ngeihmi thlanhmun (Lilydale Memorial Park) ah vui a si te lai. Vuinak nithla le caan a fian tikah thawngthanh ṭhan kan i zuam te lai. Community nih chungkhar ngaihchiatnak hrawmpi bu in,
Australia Chin Community (ACC).

Ka pate (Ka nu nau pasal), Pu Thla Cung, nih Hakha ah mual a kan liamtak ṭhan. A dam lio ah a dawtu hna le a damlo hnu ah a zohkhenh i thlaza a campiaktu zumtu unau nan dihlak cungah Bawipa tu nih thluachuahnak in pe hram hna seh. Nun lio ah rak daw manh ninglaw kaa hnem kho deuh hnga mu.

Pu Thla Cung thlah nak bia tawi: Pu Thla Cung (MawiMawipa), vawlei taksa in kan in sianghrim lo,kum saupi chung Yangon Believers Church in a rian kan tuan ti i,Church hmunkhat te ah Bawipa athangthat ti mi kan si. Pathian bia cu kan lamtluan asi ban tuk in arak kal chung mi na si ko.Pathian nih an dawt i kum 70 renglo nunak an pek i, thluachuak mi na si ko.

Atucu hi vawlei harsatnak in harnak um tilo nak hmun ah Bawipa nih dinh daihnak an pek cang.nNataksa cu vawlei ah kir hmanhselaw na thlarau cu Sertu Pathian sin ah ai din cang.nYangon Krihfa bu nih kan in siaghrim lo.nNa kal tak mi chungkhar tu le fa hna cungah Jesuh Krih daihnak le hnangamnak athar in um koseh!

Ka pa Cung na tem tuar tuk i va din cang ko mu kanngaihchia tuk ee. Nan ngei chiat nak kan in hrawm pi ve hna. Bawipa tu nih tantak mi chungkhar in tuar khawh nak in pe hram hna seh. Tantak mi chungkhar dihlak Bawipa nih tuar khawhnak in pe hna seh. nan ngaihchiatnak kan ihrwam.

Motor Pahnak In Hngakchia Pa 2 An Nunnak A Liam. ATV motor pah sualnak a chuah hnu ni 4 a ruah hnu ah kum 11 lawng a si rih mi hngakchia nute a nunnak a laim. Christina ‘Tina’ Bird cu U.S ram California ah Apple Valley ah a um mi camp pakhat ah a dawt bikmi a hoikom kum 12 a si mi Jacob Martinez he July ni 4 ah celebrating an tuah tiah theih a si. An pahnih in camp chungah ATV pakhat cio in an i cit lio ah ATV pakhat nih a pah i a Jabob cu a hmun ah nunnak a liam colnak nak kong cu KTLA chimnak in theih a si.

Christina cu a ruh tampi a kiak caah sizung ah an kal pi tiah theih a si. Mah nu ah Loma Linda University Medical Center ah U.S suimilam 8:50 ah a nunnak a liam tiah theih a si. A hoitha a si mi Jacob nih Tina cu ATV pahnak a cuah nak hmun ah a nunnak a rak khap bal cang tiah theih a si.

Mah Tina a thihnak kong ah an chungkhar zong nih Tina cu ATV pakhat nih pahsual ruangah a nunnak a liam tiah an ferhternak an tuah ti zongin theih a si. Cu lio Jacob cu a hmun ah an nunnak a liam colh tiah theih a si hnu ah Tina cu a ruk tampi a kiah caah le a hngawng ruh a kiah caah siizung ah an kal pi colh tiah an chim.

Hliamtuarnak faknak tampi a ngei mi kum 11 nu te cu a chungkhar nih a nungdam ko lai tiah an i rauh cuahmah lio ah ni 4 a ruah hnu ah siizung thawngpangchia an thanh hna si mu. A nu zong nih ka fa cu kum 11 lawng a si rih hoikom a duh tuk mi a si ii hoikom tampi a ngei mi zong a si pinah hoikom dawh a thiam tuk mi a si tiah KKLA ah a chim.

Hi kong he pehtlaiin California Highway lamah tuanvo ngeitu hna nih hlethlaaih nak an tuah cuah mah lio a si i zumh lomi an ti mi a tli pakhaat motor 2021 RZR Turbo S a si loah Turbo S4 ATV aa cit mi an kawl cuahmah lio a si tiah theih a si. A nunnak a liam mi hna i an chungkhat hna nih mah motor aa citmi cu tette ah an chiah tiah theih a si. Chungkhar kaphnih caah GoFundMe nih bomhnak an kawl piak hna i Tina te chung U.S dollars $20,000 le Jacob te chung $15,000 hrawng cio in an peek hna tiah theih a si.

RELCHAP, (Photo Dang) Depayin peng palik sakhan cu nihin(July 6) zinglei ah bomb puahhnawh an si i, palik 5 hrawng cu faak ngai in hliam an tuar. Ambulance 3 in siizung ah an tlikpi hna, tiah tualchung mi sin in theih a si. Hi bomb puahnak hi tualchung PDF phuthum i bawm in an tuah mi a si, tiah SNAK EYES-PDF nih an thanh.

An cathanh ah cun nihin July 6 zinglei Sml 11:30 ah Depayin peng palik sakhan cu a lang in control khawh mi bomb in puahhnawh a si i, palik 5 hrawng cu faak ngai in hliam an tuar, tiah an thanh. Cu bomb puahnak ah cun SNAK EYES PDF, Non Profit Soldiers Ye-U le Freedom Revolution Force(FRF) hna an i bawm, tiah an langhter. SNAK EYES PDF phufonh nih July 4 zong ahkhan Ye-U peng Traditional Hospital cu bomb an rak puahhnawh i SAC ralkap 2 an thih lengah ralbawi pakhat le ralkap dang 10 faak ngai in hliam an tuar.

Sagaing Ramṭhen Chung Sianginn Onnak Thlakhat Chung Ah Cachimtu 8 Thah An Tong Cang!: 2022-2023 cacawn kum sianginn onnak thlakhat chung ah Sagaing ramṭhen chung SAC Education department in cachimtu 8 nak tlawm lo thah an tong cang, tiah theih a si. Education department rianṭuantu pakhat nih cun, “Sianginn onnak thlakhat chung ah thah a tongmi cachimtu minung 8 nak tlawm lo an si i, pehtlaih khawh lo in a tlaumi cachimtu zong an um rih,” tiah a chim.

Nizaan July 5, chun ah Yee-U pengkomh Depeyin peng Kyunṭaw khua ah cachimtu pa pakhat le nu pakhat cu Kyunṭaw khua le Innpin khua kar hleidonh ah an kut hnulei hriṭem buin, an hngawng tan in thah an si, tiah theih a si. July 1 chunhnu zong ahkhan cachimtu pa pakhat cu Mawlaih(မော်လိုက်) pengkomh PhawngPin (ဖောင်းပြင်) peng fimcawnnak zung in a kir lei lampi ah thah a rak tong fawn.

Cun, July 3, chunhnu ah KawLin(ကောလင်း) peng TayatKhung(သရက်ခုံ) khua ummi siangniamrun cachimtu U Zaw Win Thein cu a rianṭuannak MawngKaw(မောင်းကော်) khuachung sianginn kalnak lam ah thah a tong, tiah theih a si. Cu ni ṭhiam ah cun Cachimtu Zaw Win Thein a farnu TayatKhung(သရက်ခုံ) siangniamrun i cachimtu sayamah Daw Oungma Win cu innchung a um lio ah thah a tong, tiah theih a si.

Tukum cacawn kum sianginn onnak June thla zarhkhatnak ah Monywa peng Sita khua sianginn ah sianguk ṭuanvo latu cachimtu nu(sayamahgyi) cu Monywa in a rianṭuannak hmun a kal lei, Monywa-Ayardaw motor lampi ṬhaNawngWin(ထနောင်းဝင်း) khua le KyaukKa(ကျောက္ကာ) khua kar ah thah a tong. Cu ni ṭhiam ah cun Shweboo pengkomh Wetlet peng BuṬae(ဘိုတဲ) khua sianguktu (sayamahgyi) le a nau cu an umnak inn ah thah an rak tong.

Sagaing ramṭhen Monywa, Wetlet, KawLin, Depeyin le Phawngpin pengchung ah SAC Education department in cachimtu 8 cu tukum sianginn on thlakhat chung ah thah an tong cang, tiah theih a si.

Model Le Lemcang Thiam Thin Zar Wint Kyaw Cu SAC Ralkap Nih An Tlaih!: Shan State Progressive Party(SSPP) chairman fanu ṭhitumhnak ah a kalmi lemcang thiam minthang Thin Zar Wint Kyaw cu a kir lei ah SAC ralkap nih chekhlatnak gate pakhat ah an tlaih, tiah theih a si. Model le Lemcang thiam Thin Zar Wint Kyaw cu July 4 ah, Shan State Progressive Party(SSPP) chairman fanu ṭhitumhnak puai zanriah dumnak ah Shan State Army(SSA) ralkap thuam he a kalnak cu social media ah a langsar ngai in hmuh a si caah tlaih a si.

Lemcang minthang Thin Zar Wint Kyaw cu SSPP/SSA sawmnak in Haiper tisor le Shan ramkulh chaklei KyayTi(ကျေးသီး) peng, WamHai(ဝမ်ဟိုင်း) ṭhanchonak ding caah Documentary thlak ding in a kal mi a si. July 3 ah Video thlak hram ai thawk i, an dih hnu an kir lei ah vedio ai thlaknak thilthuam he ṭhitumhnak puai zaanriah dumnak ah a telpi hna. Thin Zar Wint Kyaw nih cun zeidang ramkhel lei tinhchih in thlakmi a si lo, fimcawnnak, ngandamnak lei ah le ṭhanchonak ding ca ah zuk thlak ding in SSPP nih sawmmi ka si, tiah SSPP Info ah July 4 ah a rak chim.

Zuk thlak an dih hnu nihin July 6, zinglei ah WamHai(ဝမ်ဟိုင်း) khua chuah Mairel(မိုင်းရယ်) gate ah Thin Zar Wint Kyaw zulhmi motor cu SAC ralkap nih rak chek in, tlaih a ton hi a si, tiah tualchung mi nih an chim. Thin Zar Wint Kyaw tlaih a tonnak kong he pehtlai in SAC ralkap le SSPP nih thawngthanhnak an tuahmi a um rih lo. SSPP cu nawlngeihnak latu SAC nih a sawmmi tonbiaruahnak ah aa telmi a si.

Yangon I Underground Force(UG) Phu Thawngpang A Hlattu Nuva Meithal In Kah An Si!: Yangon ah a ummi Underground Force (UG) hriamtlai phu hna thawngpang a hlat i SAC ralkap sinah thawngpetu nuva hna cu thah an si, tiah SOULS TAKERS-YANGON UNDERGROUND FORCE nih an thanh. SAC ralkap sin thawngpetu hna cu inn 100 uktu sanguk bawi U Thein Aung(ဦးသိန်းအောင်) le an nupi an si, Thaketa(သာကေတ) peng No.4 sang Ganbaung(ကန်ဘောင်) 9 lam ah khua a sa mi an si. Anmah inn ah an nu he July 5 zaan Sml 8:25 ahkhan meithal in kah an si i, U Thein Aung cu a thi colh nain an nu tu cu thi lo in hliam faak ngai a tuar, tiah theih a si.

SOULS TAKERS-YANGON UNDERGROUND FORCE hna cu zaan Sml 10 ah hliam tuar um loin an kir nain SAC ralkap nih hmunkip ah chekhlatnak an tuah, tiah an cathanh ah an langhter. Cucaah Yangon um mipi hna nih khualtlung cazin chek tikah ralring tein um khawh i zuam u, tiah theihternak zong an tuah.

Be the first to comment

Leave a Reply

Your email address will not be published.


*