Zualko: Salai Hram Cung nih ram le miphun caah a nunnak a pek than!

Zualko: Salai Hram Cung nih ram le miphun caah a nunnak a pek than!
===========
Chinland Defense Force-Thantlang chungtel a si mi Salai Hram Cung (kum 20) cu hramram in Rampi uknak a latu ralhrang hna ral in Chin miphun kilven ding in le miphun le ram dohthlennak caah biakamnak a tuah bang in 2022 May 05 ah ram le miphun caah a nunnak a pek.

Ram le miphun caah nunnak pek in rian a tuan cuahmah lio mi Salai Salai Hram Cung nih a kan liam tak mi cung ah taan tak mi chungkhar nan ngaihchiatnak CDF-Thantlang nih kan in hrawm pi hna. Salai Hram Cung nih lungthli na tum mi ralhrang tei khawhnak le Federal Ramkomh sernak caah a tang mi dohthlennak rian cu na tuan hawi CDF-Thantlang chungtel vialte nih kan rak pehzulh lai.

Dohthlennak caan chung ah ram le miphun caah nai pumpeknak le na riantuan mi vialte cung ah CDF- Thantlang nih a sang bik upatnak kan in pek. Rest in Peace our fallen hero! Chinland Defense Force-Thantlang

Chin ramkulh, Hakha Khuapi No.1 Sianginn Hrawng Ah Bomb A Puak! Hakha ummi pakhat nih, “Nihin July 7 zaan sml 9:30 hrawng ah bomb a puak. No.1 sianginn chung ah a puakmi a lo ko. A thawng thang tuk hringhran. Bomb pelpawi zong kan inncung ah a tla,” tiah The Chin Post ah a chim.

Hakha No.1 sianginn cu SAC nih an hun i, siangngakchia 2000-3000 kar an kai lai. Siangngakchia hna cu anmah duhmi thil hruk in a kaimi zong an um.

Siangngakchia sianginn an kai caan zinglei poh ah sii-inn lamṭhen in palik nih humhimnak an lakpiak hna. Cacawn caan a dih in siangngakchia an ṭin zong ah palik nih an congh hna, tiah Hakha ummi pakhat nih The Chin Post ah a chim.

Falam Peng Ah Mitlamtlinglo Pakhat Thah A Tonnak Kong Ah Interim Chin National Consultative Council (ICNCC) Nih Cathanh An Chuah! 2022, June 30 ah Sagaing ramṭhen Kalaymyo in Chin ramkulh Falam khuachung ah a lutmi SAC ralkap nih Falam peng Valung khuami mitlamtlinglo (hnachet le holh thiam lo) Ṭial Kap, kum 60 cu an rak thah.

Atu bantuk in sualnak ngei lo, mitlamtlinglo thah a tonnak kong telh chih in Chin ramkulh hmunkip ah SAC ralkap nih thilsual an tuahmi vialte cu pengkulh cio in ṭuanvo ngeitu hna nih ṭha tein cazin khawmhsuatnak an tuah.

Chin ramkulh chung ah SAC ralkap nih sualnak ngei lo mizapi cung ah minung ziaza keng lo in sualnak an tuah mi vialte cu faak piin kan doh. Atu bantuk sualnak an tuahmi kong ah anmah he a tlak ning tein lehrulh an si khawh nakhnga kan tawlrel lai, tiah ralrin peknak le theihternak cathanh an chuah. Credit: The Chin Post

CDF, CNF/A nih ralhrang/uico pawl Thantlang khua chung ah an kah hna ruang ah kan khua Lipi Thantlang a ciam tiah phunzai in ho nih dah kah nak nawl apek hna tiphun in a tlawkciar/zai mi kan hmuh len hna.

A tak ngai ti ah cun ho dah duhlonak langh ter lio ah khan, CNF/A zei dah nan tuah? Kum sawmthum reng lo dohthlennak kan tuah nan ti lo maw tiah nan aukhuang, kap hna uh ca KNU.. ect le a dang dang nih cun duhlonak a langhter tu mipi an ven hna kap hna uh tiah nan auu. hriamnam kan ngeilo rih lo tiah ziah nan ti? Kap hna uh law hriamnam cu bei cawk lo in nan ngei lai tiah nan auu.

Ral a tu/do ngam lo mi hriamtlai cun nan thangcho lai lo nan ti hna. CNF/A kap tuah hna uh nan ti i nan phunzai in nan mawh chiat hna.. kha lio ah kanpa le nih process tein kan kalpi hmasa hau tian ENF(national emergency found) an aupi hmasa. Cu zong cu pe tung lo in cu hlan kan phaisa pek/thawh mi khawi ah nan chiah kap hna uh, tu hna uh! Ralchia hna tiah nan auu hui.. Cabuaicung raltuk kan fih nan ti, ka ti ve i (kei cu ka zai lo) nan phunzai hnawh hna.

Kan ralkap le hruautu upa pawl nih mipi duhnak in kankal hau ne tiah kap cang hna uh tiah an ti i an kah taktak hna, an kah ka hna ah cun CHIN PASAL THA HNA thua hna uh nan ti i kut nan bengh len. Tlawmpal ah ralhrang zia ah an hman i an tuah zungzal mi inn lo duah hram an thok. Zai hram nan i thok ve than. Khua chung kah cu a tha lo nan ti i mawhchiat hram nan thok than.

Kan Thantlang pi cu kah dohnak hmun ah a vun cag i mipi nih an chuahtak. CDF/CNA nih veng uh nan ti hna, an santlaihlo buu in an veen len ko. Ralhrang nih mipi thilri fir in an um i an kah hna(nan bia bang in an tuah) an kah hna tik ah Khua duah hram an thok i an duah i kan Thantlang pi cu a ciam ko ai.

Ho dah a palh ne? Ruat uh! Ninghngal ngai in kap u ca nan ti hna, nan kah ngam cun, hriamnam beicawk lo in nan hmu lai, ral a dongamlo mi hriamtlai an thnangcho lo nanti, a taktak ah hriamnam cawknak in phaisa$ thoh le pek cu chim lo a phunzai cem ah nan i chuah hui. Ho nih dah Thantlang khua chung ralhrang kap ding in order an pek hna tiah nan hei au mei kho rih. I ruat tuah uh ca.

CBCUSA nih kan ram dirkamh caan a zaa/acuu cang tiah Biaknak hruaitu upa pawl an tho i Emergency mandatrory project pi a kan thok pi. Cu ah cun kap hna uh, that hna uh tiah a au-khuang pawl mui a dee lo. A khua/khua tal in au u sih law kan thawng deuh lai tiah kan tii i cu zong ah cun, a aukhuang bik khua le minung pawl nan mui a dee hlei lo.
A hlan tein CNF/A doh in ai laa peng mi mi cheukhat cu kan in theih thiam peng ko hna.

Chim duh mi cu, Kan CHINRAM le a bik in Kan SUI THANTLANG an khangh mi kong ah tuanvo a ngei i la la tu ding cu nan mah pawl kha nan si. Mikut in rul tlaih ai tim peng tu pawl kha na si. Dothlennak ah nan chawva in nan i tel lo tal ah nan kaa te hi ciip tuah uh ca. Nan cal a cang ngai chap bei,kan CHINRAM ke MIPHUN caah tiin ngaih chun pek in le docawi bu in a cawl tu pumpak le nunnak a pe cang i hliamhma tuar in le pum tlamtling lo in a um cang mi chungkhar hmanh nih an zaikhuang lo.

Kan miphun caah kafapa/fanu nih a ngaihchun mi nunnak a pek tiah an mitthli he tah pah bu in i lungsak an i zuam hna. Cu lio ah dohthlennak zong ah i tel lo in, khauzei maw in kan mino an pam hmai ee cu ee kha ee nan hei ti ngam ko. Nunnak a pee cang mi nu le pa hmanh nin an chim lo. Zah hngal lo hna. Mi kureu hna. ruat pah buu i bia chim uh law mihmai tah khah i tim uh. ZAH HNGAL LO HNA, ZAH HNGE LO PAW. Credit: NC Cung

Be the first to comment

Leave a Reply

Your email address will not be published.


*